Måndag 26. september på
Vikebygd Bygdahus
kl.  09:00 - 20:00

Ut å måka skit!
Av Guri Ravatn, Bibliotekar

Onsdag 5. oktober går Vindafjord bibliotek og Etne og Vindafjord Mental helse saman om å markera «Verdensdagen for psykisk helse». Tema i år er «….. for livet endrar seg….».
Hovudposten på programmet er foredraget «Ut å måka skit» med Odvar Vignes. Odvar Vignes hadde for nokre år sidan ein lett depresjon, noko som førte til at han bestemte seg for å ta sitt eige liv. Slik vart det ikkje. I foredraget «Ut å måka skit» fortel han om vegen ut av denne livskrisa. Vignes er ein stor humorist og formidlar dermed dette alvorlege temaet på ein lett, men også gjenkjenneleg måte.

Den andre programposten denne kvelden er «Med livet i hendene». Monica N. Haugan, Kari Vik Stuhaug og Aud S. Flesland gir oss mulighet til å reflektera over livet gjennom ei samansmelting av musikk, dikt og bilde.

Begge desse programpostane gler me oss til å presentera, saman med ei triveleg matøkt med vaflar og kaffi og høve til prat.

Me ønskjer alle hjarteleg velkomne til Biblioteket i Ølen 5. oktober!
 

Val av namnet Etne på den nye kommunen sette fart i debatten. Ein del har vore meir opptekne av namnet, enn av kva kommunen ville bety for dei, med eller utan kommunesamanslåing. Ein interpellasjon frå Lars Olav Bergsvåg (Høgre) i Etne kommunestyre tysdag 20. september, føreslo at avtalen om namnet vart annullert.  Dette fekk støtte i Etne kommunestyre og dermed vart styringsgruppa for kommunesamanslåinga kalla inn til eit møte klokka 21:15.

Styringsgruppa, som er sett saman av formannskapa i begge kommunane, rådmenna og to tillitsvalde frå kvar kommune, vedtok samrøystes å annullera vedtaket om kommunenamn og utsetja dette til ein grundig prosess etter folkerøystinga, dersom det blir fleirtal for eit ja.

Fullt hus i Ølen kulturhus tysdag 20.9.
Frå klokka 19:00 tysdag var det ope møte med informasjon om kommunesamanslåinga, i Ølen kulturhus. Her var det fullt i alle benker, og med folk sitjande i midtgangen. Meldinga om at det vart nytt møte om kommunenamnet vakte applaus. Mange ville ha ordet og det kom innlegg både for og imot samanslåinga.  Rådmannen peika m.a. i si gjennomgang av rapportane som er utarbeida, at Status Quo ikkje er eit alternativ. Andre peika på at kommunen står overfor mørke skyer og vesentleg reduksjon i kommunen sine inntekter, alt frå komande år.

Skulle kommunane, på bakgrunn av nei i folkerøystinga, vedta nei til samanslåing, vil dette medføra reduksjon i tenestetilbodet i kommunen. Konkret kan ein då vera nøydt til å sjå på strukturar innan dei tunge oppgåvene kommunen har, som skule, pleie og omsorg. Samanslåing vil gjera det mulig å redusera kostnadar der ein ikkje treng to kontor, men berre eitt, i tillegg til ekstra tilskott i samband med samanslåinga.

Ein ting var alle samde om: Dei oppfordra til at alle bør møta opp og stemma, uansett kva dei vel av alternativa: Ja, Nei eller blankt. Politikarane ynskjer folket sitt råd om vegen vidare gjennom folkerøystinga.

Gjeld alle aldrar

SALG:
Under heile arrangementet blir det sal av pølser, lappar, kaker, brus og kaffi.
Gratis saft til alle deltakarar. 
Hele arrangementet skjer utandørs. Husk klær etter vêrforholda.
( Las ned plakaten her )          Arrangør: Vikebygd Idrettslag

Bilane stod i lang rekke heilt opp til fylkesvegen i tillegg til parkeringsplassen. Kva var det som venta oss i kyrkja på søndag, som trekte så mange?

Mange samla seg i kyrkja søndag.  Utanfor venta kyrkjekaffi på kyrkjebakken.

Vi er etter kvart vane med at det er spennande å delta på gudsteneste saman med Jon prest. Denne søndagen var det familiane og borna som stod i sentrum. To familiar skulle ha barnedåp.  Dei fylte benkene fremst og familiemedlemmer fekk vera med og lesa tekstane denne søndagen.  Oliver Høyland Larsen og Runa Marthea Siglen var det som skulle døypast og får med seg eit dåpslys til minne om dagen då dei vart innlemma i den norske kyrkja.

Så var også fireåringane spesielt inviterte. Dei var tre born i år, og hadde fått vore i kyrkja også laurdagen saman med Else Gurine Stople. Om nokon i bygda hadde høyrt kyrkjeklokkene, så var det borna som fekk prøva dei, sa ho. I gudstenesta fekk borna barnebibelen og dei fekk lov til å stå heilt framme og syngja velsigninga saman med kyrkjelyden. Else Gurine tende eit lys for kvar av borna i den stor ljosgloben. 

Det var visst ingen i kyrkja som hadde fødselsdag denne dagen, men Jon Ådnøy hadde likevel fått ein pakke. Mange lurte meir og meir på kva det kunne vera inni, etter som han lurte på om pakken skulle opnast nå eller etter gudstenesta. Dei heilt framme fekk lov til å lukta på pakken. Til slutt kom det fram refleksvest, headover og eit eple. Presten kledde på seg og meinte det nok var nokon som var glad i han og ville han det beste, som hadde laga pakken.  Dette knytte han opp mot bibelteksten - om Gud som skapte verda og menneska, og kanskje hadde litt humor når forskjellige dyr vart skapte? Borna og dei vaksne fekk høyra om om korleis Guds kjærleik er og kor glad han er i kvart menneske.

Og i tillegg til alt det kjekke så fekk alle dei 117 som var i kyrkja denne dagen også gle seg over flott musikk på kyrkjeorgelet, der Arne Tveit hadde hand om tangentane. Imponerande kva han får ut av det gode kyrkjeorgelet vårt - og attpå til i form av songar som høver for born og familiar.  Det var jammen verdt ein tur i kyrkja denne dagen, og saman kunne vi nyta sola og finvêret med kake og kaffi utanfor kyrkja etterpå.

Denne hausten har Olalia hatt ope kvar helg - heilt fram til 16. oktober. Det har ført til ein straum av turgåarar i alle aldrar, også dei med baby på magen eller småborn i vogn.  Dei litt større borna går til fots innover. 

Vegen frå Oppheim parkeringsplass til Olalia er brei, fast og god.  Laurdag er ope 11-16 og søndag 11-15, kor turgåarane kan få kjøpa middag. Men også dei andre dagane når hovudhytta er stengd, så nyttar mange denne turen alle dagar i veka. Fleire nyttar også sykkelen til ein treningstur innover fjellet.

Fjellet har funne fram haustfargane. Det har det også innover til Olalia.  Med gode temperaturar og sol frå klår himmel var det mange som ville dela haustfargane i helga.

Sjekk forholda på webcamera på Fjellstøl:

Då klokka var ca. 12:45 talde Rolf minst 110 personar, men seinare, i 15-tida, kunne arrangørane opplyse at dei antok at nærmare 200 hadde vore innom på denne solrike og flotte seinsommarsøndagen. Om det var rekord vites ikkje, men godt oppmøte var det i alle fall.


Ekstra stas vart det då Vilde Langehelle og Tina Larsen sørgja for 4 hestar som gressa
på nedsida av Vikestølen. Dei hadde ridd opp.

Ein investert 10-kroning kunne også gi deg en liten tur på hesteryggen.
 - Kreativt frå unge kremmarar og kjempestas for dei minste borna, fortel Rolf.
 - Det var laa-ang kø.

Elles var det lapskaus, pølser, kaker, kaffi, saft, brus og snoperier som seg hør og bør. Hesteskokasting og loddtrekning vart det også.
Les også her

16.500 såg meldinga på Facebook profilen til vikebygd.org tysdag 30.8., og
omlag 4200 var inne på www.vikebygd.org og las heile artikkelen.
3878 klikka seg direkte til denne artikkelen frå Facebook profilen: vikebygd1.
Det er bra for ei bygd med 560 innbyggjarar.

   - Av og til må vi slutta med noko for å finna tid til noko anna, men eg vil ikkje tenkja på dette ennå. Eg er van med å bruka alle timane i døgnet godt, og det er som dei seier:
   - Vil du ha noko gjort må du spørja dei som har det travelt, sluttar Gunn av samtalen med.
   Vi ynskjer henne lukke til med butikken og den nye arbeidsplassen hennar.

Etter snart 17 år som dagleg leiar for Vikebygd Landhandel AS, har den tidlegare sjømannen, Rolf Alne, bestemt seg for å leggja inn årane.  30. september er siste dagen. Då overtar ny eigar drifta.

- Eg har seld aksjene i AS'et som eit "going concern", fortel Rolf og seier seg svært glad for at nye har vilja ta over drifta slik at det ikkje blir stans i verksemda. Dette inkluderer også eigedom, bygg og treningsstudio i kjellaren.

- Eg overtok butikken 1. januar 1999, men då hadde eg alt vore på opplæring ei tid hos Emberland som dreiv butikken før dette, fortel Rolf som nå har fått ein ny butikkeigar på opplæring.  Gunn Vikingstad har alt teke til på opplæringa i butikken. Rolf er glad for at lokale folk vil overta slik at butikken ikkje får avbrot.

Det er helsemessige grunnar som gjer at Rolf vel å slutte som kjøpmann i Vikebygd. - Først skal eg ha meg ein lang ferie og opptreningsperiode, så får eg sjå kva eg gjer vidare, seier Rolf. Åra på butikken har vore travle med lite fri, utanom dei raude dagane. - Så har eg unt meg 14 dagars ferie i utlandet i året. Det er godt å ha ein god kollega å reisa saman med då.  Nå skal det vera godt å sleppa å stå opp halv sju kvar morgon, seier Rolf som slit med diabetes. Åra i butikken har stort sett gått i balanse. Nokre år med underskot, andre med overskott, men han er takksam for alle dei lojale kundane som har støtta opp og er bevisste på at dei treng ein lokal butikk om bygda skal fungera. Og med mange gode kundar, både fastbuande og hyttefolk, så meiner han butikken godt klarer å overleve av det dei omset.

Rolf Alne, då han fullførte Hårfagrerittet i 2011

Under gudstenesta i Vikebygd kyrkje søndag 28.8. presenterte sokneprest Jon Ådnøy det nye kullet med konfirmantar og opplegget dei skal delta i. I Vikebygd er det 10 ungdommar som saman skal delta i konfirmantundervisninga dette vinterhalvåret. 

Jon kunne fortelja at opplegget nå består av 60 klokketimar. Dei skal både ha undervisning i kyrkja og delta på leir saman med konfirmantar frå fleire av bygdene i kommunen.  I opplegget er det også å delta i ulike aktivitetar, både i gudstenester og i to grupper som dei har kalla: 'Kjekk og Grei'; og 'Leik og Lag'.

I opplegget er også å delta i 'maraton i bibellesing' som vert arrangert i Skjold kyrkje 8.-13. november.  Då skal heile bibelen lesast samanhengande frå perm til perm.
- Me har planlagt at det skal ta 90 timar.  Dei første to kapitla vert lesne av ordførar Ole Johan Vierdal og fylkesmann Magnhild Meltveit Kleppa, kunne Jon Ådnøy fortelja.  

Fylkesmann Magnhild Meltveit Kleppa
Foto Stortinget

LioVel inviterte til Haustfest for
små og store i bygda
på leikeplassen i Liofeltet. 
av Steinar Skartland, 27. august 2016

90 born og vaksne kom til lappar, musikk, leik og utlodding.


Lene Bjerga underheldt med song.   Klikk bildet og sjå film frå arrangementet.

Medan Aud Jorunn Tordal inviterte bygdefolket velkomne til haustfest og styrte eit godt og variert program, var Tor Arild Mortveit i full aktivitet med ei elektrisk takke. Der produserte han ei stor mengd med lappar. Dei var gode og gjekk fort unna, men produksjonen gjekk ennå raskare for produsenten enn salet.  Då det leid på ettermiddagen og familiefolket ville ta på heimveg, måtte han ty til posesal av lappar:
- 50 kroner for 8 lappar kunngjorde han, og fekk hjelp av Linda Frotjold som stakk heimom og henta plastposar til å fylla desse i. Så her fekk mange også lappekaker til laurdagskosen eller søndagskaffien.

I tillegg til Lene som sende ut den eine songen etter den andre frå toppen av haugen midt i leikeparken, så vart det både sporleik og fotballkonkurranse.  LioVel hadde vore flinke med å samla inn premiar til ei utlodding der dei fleste kunne bera med seg noko heim etter lodda var trekte.

Vêret var upåklanderleg med sol og god temperatur.
- Det fine med dette arrangementet er at vi kan få det til på kort varsel, sa Aud Jorunn.
- Så om det hadde vorte regn kunne vi lett ha flytta det til ein annan dag eller neste helg.
 

I leikeparken er det sett ut fleire "rasteplass-bord", og gjer at dette blir ein stad det alle generasjonar kan samlast, men her er også leikestativ og grillplass. Kjekt også at det er mulig å klatre i eit ujamt terreng.

---

TV-aksjonen 2016 
går til Røde Kors.

Vindafjord kommune har sett ned ein komité for å planlegge innsamlingsaksjonen lokalt.

Vi treng åtte bösseberar frå Vikebygd.

Om du vil hjelpa til med å gå med bösse 1-2 timar söndag 23. oktober, så ring til Steinar på telefon 908 73 170.
Les meir her

Skal Etne og Vindafjord bli ein kommune?
Opne folkemøte i Vindafjord er planlagt slik:

Skjold Arena:  Måndag 5. sept. klokka 19:00
Vikedal bygdahus: Måndag 12. sept. klokka 19:00
Ølen kulturhus:  Tysdag 20. sept. klokka 19:00

Programmet i folkemøta blir at rådmann og ordførar orienterer om avtale og utfordringar framover, før kvart parti får koma med sitt innlegg på omlag 5 minutt kvar, før salen slepp til med spørsmål og innspel. Så er det opp til folket i dei to kommunane å gi sine råd til den vidare politiske handsaminga, i folkerøystinga den 26. september. Her kan folket røysta alternativt:  JA, NEI, Blankt. 

Kommunen oppfordrar alle til å møta fram på folkemøta, og ved folkerøystinga der dei kan gje politikarane sitt råd for kva som skal skje vidare.

Godt frammøte under debatten. Dei få som bad om ordet til kommentar var mest opptekne av namnet, men fleire meinte også at dei ikkje var imot kommunesamanslåing. Ordførarane oppfordra folket til å møta fram på folkemøter og ved folkerøystinga og gje uttrykk for kva dei ynskjer å gje av råd til politikarane i den vidare prosessen.

Vindafjord har alt fått nedskjeringar på omlag 4-5 mill., og ytterlegare nedskjeringar neste år på 7 mill (halve botntilskottet), er meldinga frå regjeringa. Utan samanslåing vil vi stå overfor nedskjeringar på omlag 12-15 mill kr i året. I tillegg vil det tilskottet vi fekk ved sist kommunesamanslåing (6-7 mill/år) bli trappa ned frå 2021.  Samla snakkar vi då om inntektsreduksjon på 18-20 mill/år. Dette kan få drastiske konsekvensar for tenestetilbodet. Ein kan stå over for både nedleggingar av skular og reduksjonar innan pleie og omsorg, då tenestene må tilpassast inntektene.

For å unngå dette og for å sikra at vi kan oppretthalda eit godt tenestetilbod også i framtida, er samanslåing av kommunar vurdert som aktuelt.  Samanslåing av administrasjon og tenester og samordning av desse mellom Etne og Vindafjord vil også gi innsparingar som kan gi rom for betre tenester enn vi har i dag.

For nokre er namnet viktigast. For meg og mange av politikarane er å kunna oppretthalda levande bygder og eit godt tenestetilbod til innbyggjarane, det som er viktig og avgjerande. Folket sin identitet vil vera i bygda dei bur i. Dei vil vera vikebuar, skjoldabuar, vikedølar og etnebuar. Men utad treng vi eit godt og kjent "varemerke". Eit namn som er kjent og har historiske røter.  Etne er eit slikt namn. Men eg vil framleis vera ein vikebu, som har det viktigaste målet: Kva kan vi byggja og skapa i saman av gode tenester og tilbod.

Vi ser ei stadig aukande urbanisering. Folk flyttar frå utkantane og inn til større sentra. Gjennom arbeidet med å byggja eit sterkare senter for handel, næring, utdanning og kultur med utgangspunkt i Ølen og Etne, vil vi motverka dette, noko som også vil gjera det leveleg i dei andre bygdene som ligg rundt omkring i Vindafjord og Etne.

Intensjonsavtalen                                   Les meir her

Les meir her om fotballkampane

På initiativ frå Per Vik, så har han og Roald hatt eit prosjekt på førsommaren/sommaren. Dei har rydda, det dei har valt å kalla "den Gamle Fjellstien forbi Kleivane". Nedanfor fortel Roald frå prosjektet.

Roald fortel:
Per spora opp den gamle stien og spraylakkerte både her og der slik at det vart råd til å byrja å rydda vekk brakje og trær. Me starta å rydda frå kvar vår ende av stien, og i det me møttest så var den Gamle Fjellstien forbi Kleivane opna opp på nytt. Ein kan vel sei at motorsaga fekk det travelt, for det var ikkje mykje lys å sjå i tunnelen då me byrja.

Per har vore skiltmeister, han har og sett opp bru ved inntaksdammen til Vik Kraft, der den Gamle Fjellstien munnar ut i den nye vegen. Per er også kjelde til historia nedanfor. Langs ruta så heng det og gamle skilt som syner namnet på stadane ein passerar på vegen.

Turen ligg på ut.no (link), og er laga som ein tur frå fylkesvegen og opp til Vikestølen.

Les resten av stykket - og Per Vik sine soger knytt til stiane - her

Du finn også alle andre løyper i fjella fundt Vikebygd på http://vikebygd.no/naeromradet/turloyper/

- Matsalen og inngangspartiet skal renoverast, seier Gunn Vikingstad og fortel at det blir nytt elektrisk opplegg i desse romma og hovudstraumtavla blir oppgradert til automatsikringar. Vidare blir det malt og lagt nytt tak. Årsmøtet har sett av 300 000 til oppussinga. Dugnad er nødvendig for å komma i mål – både når det gjeld utgifter og at lokala skal vera klar til bruk ved skulestart!

Bygdahuset treng meir dugnadsfolk for å bli ferdige
- Me er godt i gang med arbeidet, men det gjenstår enno nokre timar med arbeid – hovudsakleg maling, fortel Gunn og seier alle som har lyst å gi nokre arbeidstimar til Bygdahuset er velkommen på dugnad! Unge, eldre, hyttefolk og fastbuande – det er jobb til alle!

Tilpassar seg vêret
I ein sommar med vekslande vêr er det greitt å tilpassa seg dette òg. Styret legg derfor opp dugnad etter vêret, og har sett opp følgjande plan:
Når det regnar er det dugnad
i tidsrommet klokka 11:00-16:00,
på overskya dagar: frå kl. 17:00 – ca 19:30.
Dagar med sol = fridagar!

Ring/send melding til 488 91 754 om du vil bidra og ikkje er sikker på om det blir arbeid den aktuelle dagen! Velkommen!

Les meir på Facebook

Nå begynne det å "ligna nåke"!! Matsalen er snart ferdig malt - og arbeidet i gangen er så smått påbegynt. Kan du bidra med nokre dugnadstimar? Dagtid når det er regn - og litt kveldar elles. (Gunn Vikingstad)

Ta evt kontakt på tlf.: 4889 1754

Les også her

GRANNAR

Nyheiter frå
Noregs Mållag

Lokale Websider

Leit og Finn

Lokale Bedrifter

Telefon til Lokale Bedrifter
Veastad Elektroservice
LADY & LORD / INKA frisør
Joker Vikebygd  
Skartland Trevirke  
Joker Fitness Club - Trening  
Jakob Rødde - Gamlatunet
Gangstø Transport
Ålreit Ålfjordsenteret
Dommersnes & Larsen
Plassabakeriet
Vikebygd Landhandel AS
Bjordal kurs og fritid
A Nagel Alne AS, Entr.
Ølen Trevare
Klokkargarden
Change Coatching B T Barane
BEDRIFTENE I BYGDA
Reg. føretak  i Vikebygd

SERVERING
Catering

Plassabakeriet
Selskapslokale og kafé

53769337

Gamlatunet
Selskapslokale

Bjordalstunet
Bjordal kurs og fritid

Selskapslokale

Kultur, Ferie, Fritid, Jakt, Fiske, Kurs, Bryllaup, Bursdagar, Overnatting.

Indre Bjordal er ein gammal gard med rike tradisjonar innan jordbruk, jakt og fiske. Garden har vore i slekta i 500 år. Bygningane, som før var gardshus og fjøs, er i dag "Bjordal Kurs og Fritid". Dei skreddarsyr selskap etter dine ynskje, alt frå bryllaup til kurs, og med overnatting i "gamle rom."
Les meir her

FRISØR

ELEKTROSERVICE

Idrett

Tur og orientering

Turkart i Vikebygd

Les meir her
Kart og turinfo

Ta kontakt med:
Ola Harald Alne: 
 - tlf 928 15 380, eller
Jarle Sandsgård:
- tlf 916 01 676

Vikebygd Idrettslag nyttar
Rekneskapsprogram.

Politikk

Vindafjord kommune
Ordførar - Varaordførar
   2015-2019

Ordførar Ole Johan Vierdal (SP) frå Vats. Varaordførar Steinar Skartland (KrF) frå Vikebygd. Les meir her

Frå Vikebygd er også Rune Hetland (V) innvald i kommunestyre og formannskap.

Deltaking i valet
Vikebygd hadde 401 manntalsførte som kunne røysta. Av desse var deltakinga 68,3%.  I heile kommunen var frammøtet berre 58,7%.  Så låg deltaking er ei utfordring for demokratiet, men syner også at om nokon fleire hadde delteke kunne dette hatt store utslag på kven som kom inn og kva parti som vart representerte i kommunestyret.

Eit fleirtal på 17 av 25 represen-tantar i kommunestyret utgjer posisjonen. Desse 5 partia (Senterpartiet, Kristeleg Folkeparti, Venstre, Sosialistisk Venstreparti og Bjoa Bygdeliste) samarbeider også om å utarbeida felles framlegg i politiske saker, men partia sine program ligg i botnen for den politiske ståstaden kvart parti har.

I tillegg til formannskapet har kommunestyret vald representantar i to hovudutval som har sine faste fagområde for politiske saker:

Gustav Løge Fosse (KrF) er leiar i OPOM (Utval for Oppvekst og Omsorg)

Kjartan Innbjo (BBL) er leiar i DUK (Utval for Drift, Utvikling og Kultur).
 
Valresultatet 2013
I Vikebygd var frammøtet svært godt og enda på heile 82,3%. 
Les meir her

LES HER SAKSPAPIRA FOR
Møter i kommunestyre og utval i Vindafjord

Kyrkjebladet

Det vil seie at alle formene i den Nynorske rettskrivinga kan brukast fritt. Det blir elles endringar i mange skrivemåtar og bøyingar. 
Les meir her

Fotballturnering som samla heile 78 lag i 2016 og 6-700  born frå heile distriktet, til ein dag med fotballkampar frå morgon til kveld. LES MEIR HER   

Årleg tradisjon frå år 1900. Her samlast folket frå dei fem kyrkje-sokna Vikebygd, Bjoa, Ølen, Skjold og Vats, men også frå andre bygder og byar. Siste søndag i juni eller første søndag i juli.
Les her om møtet i 2016. 
Les her om møtet i 2015. 
Les om 116 år på stølen

Utstillarar med salsboder. Her er tivoli og stor fiskekonkurranse.  
Les om 2013. Og sjå bilete HER.

Idrettslaga i Bjoa og Vikebygd arrangerer familietur til Vikestølen.  Les her frå 2014.

• Bautavegen
• Toadalsvegen
• Åsbøvegen
• Sandviksnesvegen
• Gangstøvegen
• Årvikvegen
• Kvamsvegen
• Alnavegen
• Naustvikvegen
• Sjurahagen
• Plassavegen
• Dommersnesvegen
• Leirhammarvegen
• Kolthaugvegen
• Skjeljavikvegen
• Ulvebneneset
• Svensbøvegen
• Bjordalsvegen
• Krekavegen
• Trovågvegen
• Klovaberget
• Søljevegen
• Øyna
• Malasetvegen
• Risangervegen
• Lia
   
  Les meir her

Fylkesvegane. 
Kommunevegane.
Kart over parsellane.
(Les saksdokumentet her)

Bygda har lange tradisjonar som kyrkjestad, heilt attende til 1200-talet. Den kyrkja som står her nå, er den 5. i rekkja av kyrkjebygg.  Les meir om desse kyrkjene her. 

Vêrvarsel for Vikebygd
ORD FOR DAGEN I DAG
Skuledagen 2015-2016
Ledig jobb i Vindafjord
Pollenvarsel YR.NO

På Kalenderen

Les også om:

Bibliotek og kafé på Gamlatunet
Ope onsdagar 17:00 - 19:30, (men stengt i juli-august og desember)
 

VINDAFJORD TOMTESELSKAP byggjeklare tomter sentralt i Vikebygd

Klikk her og gå til
Fotoalbumet

Sjå også andre fotos frå:
Austre Vikebygd, 
Skjold  eller  Bjoa

SMS varsling om tømming
 

Bubble shooter
Quick Fire Pool

Bidra til websida

Det gamle nummeret til legevaktsentralen
vil fungera som før:
Ølen 53 65 55 55

Når du treng legehjelp:
Kven skal du ringe?

• Fastlegen din i opningstida
   

• Legevakt 116 117
  når fastlegen ikkje er tilgjengeleg og hjelp ikkje kan vente
   

• 113 når det er akutt og står om liv.

Les meir her

Websida med informasjon om VIKEBYGD, ved Ålfjorden i Vindafjord Kommune, Nord-Rogaland. 
 
Gi tilbakemeldingar
om websida HER 

Webansvarleg:

Steinar Skartland
5568 Vikebygd

Tlf 90873170