Vikebygd før og no, -Skulen sin Kulturettermiddag

by Steinar Skartland · 9. april 2019

Elevane på Vik skule hadde gjort ein god jobb med å presentere bygda før og no. Gjennom deltaking i quiz konkurranse kunne alle som kom til bygdahuset denne ettermiddagen få setja seg godt inn i bygda si historie. Her måtte ein lesa tekstane og studera både bileta og formindsaktivitetane for å finna svara, om ein då ikkje var ekspert på dette frå før.

**Rektor Anne Marthe Tveit ynskte velkommen før elevane overtok med songar og programleiing.**

Kveldens konferansierar: Mathilde og Eline:

Sjuande-klassingane gjorde ein god jobbe med å losa oss gjennom kvelden og programmet.

**Elevane viste fram folkeviseleik og gamle sangregler.**

Mange var tidleg ute og kunne nyta lapskaus – middag med gode kaker og kaffi til dessert frå klokka 15:30. Dette var det FAU som hadde ansvar for. Det meste her var nok heimelaga, og godt smakte det. Kafé-rommet var fullt det meste av tida. Like mykje ein sosial møtestad for heile familiane, der mange eldre nytta høvet til å treffast og fretta nytt frå bygda, om dei hadde barnebarn og oldebarn i skulen eller ikkje.

Historisk utstilling frå bygda
Så opna dørene seg til den store salen klokka 16:30. Her var mykje flott å sjå, og det er tydeleg at borna i skulen hadde sett seg godt inn i bygda si historie. Skal du planleggja framtida, må du også kjenne fortida. Den forklarer kvifor ting er som det er.

**Kunst og handtverk synte mange motiv frå bygda. Her er Asgeir sitt lenoleumstrykk.**

**Maten kan lagast heime – kanskje betre enn den me får på butikken?**

Intervjuet
Elevane hadde i år invitert Birge Nagel-Alne til eit intervju på scenen. Her fekk bygda høyra om interessa for idrett og planane Birge hadde for kanskje ei proff-karriere innan Basket ball ein gong. Inntil vidare er han elev på idrettsgymnasium i Bergen.

**Det var mange som ville vera med på skulen sin kulturettermiddag med både kafé, utstilling og underhaldning**

Underhaldning med vaksne musikkarar
Som avslutning var det ein liten konsert med vaksne musikkarar frå Vikebygd.

**Arne Tveit, Lene Bjerga, Lina Fisk Eide og Helge Veastad**

**Solonummer med Helge Veastad (sang og gitar)**

**Påskeegg som takk til alle som deltok i tillegg til elevane på skulen**

Kunngjeringa:

Vik skule og barnehage ønskjer velkommen til kulturettermiddag på Bygdahuset

TYSDAG 09.04.2019
Tema : Vikebygd før og nå

FAU sel lapskaus og pølser i litlesalen
klasse sel kaffi og kaker

PROGRAM:
15.30-17.30: Kafê. Sal av lapskaus, pølser, kaffi og kaker.
16.30: Me opnar dørene til storsalen. Utstilling og konkurransen «Kjenner du Vikebygd?», laga av elevane på skulen.

18.00 – ca. 19.40:

Underhaldning av elevane på skulen
Svar på konkurransen ”Kjenner du Vikebygd?”
Intervju med Birge Nagel-Alne
Lokalkonsert med: Tina, Caroline, Lene, Lina, Sunniva, Cathrine, Sandra, Helge og Arne.

Velkommen til: