Vikeputten fotballturnering

58 lag med glade fotballborn frå heile distriktet deltok i vennskaplege kampar på Idrettsplassen i Vikebygd laurdag 29. april. Både grasbanen ute og Kjekt i Vik-hallen var i bruk og mange kampar kunne gå samstundes. 

Takk for kampen

I år er det berre eitt lag frå Vikebygd som stilte på banen, men dugnadsfolket var mange, både som dommarar, i sekretariatet, kiosken eller for å dirigere parkering. 

Litt surt vêr tidleg på dagen, men det merka dei lite til på banen. Her var smilande born som heldt seg varme med å springa etter ballen.