Vikeputten 28. april – 77 lag deltok

Vikeputten – Den kjekkaste fotballturneringa for born.

77 lag og over 700 born deltok på Vikeputten 29. april.  Eit vellukka arrangement med mange glade andlet på borna som fekk spela fotball og kunne ta med seg heim både medalje og diplom med lagbilete. Vikeputten har teke mål av seg til å bli den kjekkaste fortallturneringa for born, og at dei hadde det kjekt på banen var det ikkje tvil om. 

Tjappe føter ville få ballen mot rett mål

Det hadde regna  kvar dag heile veka, og banen var nok blaut å springa på. Men denne laurdagen  heldt regnet seg borte og litt sol kom også fram. Dei minste fekk spela på kunstgras inne i Kjekt-i-Vikebygd hallen.  Mange møtte fram frå bygda for å få med seg livet på stadion. Dei fleste hadde barne eller barnebarn som spela. Kanskje det i alt var eit par tusen på idrettsbanen denne dagen. Ikkje godt å telja, men bilane  stod i lange rekker både sør og nord for banen. Det var ikkje plass til alle på parkeringsplassane, men alle fekk ein plass. 

Ikkje lett for fotografen å få alle til å sjå same vegen, når det står ein flokk med kamera som også vil ha eit minne.

Ein god keeper som stod i mål for Vikebygd

Det var som vanleg ein dag då dugnadsånda viste seg på sitt beste. Her var menge med både som dommarar, i kiosk og kafe, eller i sekretariat. Alle borna skulle i tur takast bilete av og opp på pallen for å motta diplom og medalje. Her var ingen taparar, berre vinnarar.  Vikeputten har teke mål av seg til å bli den kjekkaste fortallturneringa for born. 

Jakob er van med å servere i selskap. Denne dagen var han i dugnadsgjengen i kafételtet

Odd Nesse var travelt oppteken med å ropa opp namna på alle spelarane. Ingen skulle gløymast og alle skulle på pallen for å få medalje og diplom.

Kor mange gonger ballane hamna i nettet er ukjent, men siger og tap vart feira likt på Vikeputten

Dei yngste fekk spela på kustgraset i Kjekt-i-Vik hallen

Førehandsomtalen

– Me i Vikebygd IL gledar oss til ein ny Vikeputten laurdag 28. april, seier vikarierande Vikeputt-general og turneringsleiar Rune Hetland. Han fortel at heile 76 lag frå Bjoa, Etne, Nedstrand, Sauda, Skjold, Skjoldar, Skånevik, Stegaberg, Vats, Vikebygd, Vindafjord og Ølen blir med.
– Me håpar og trur på ein triveleg turneringsdag også i år!

Les meir om arrangementet nedanfor plakaten.

Velkommen til Vikeputten på Vikebygd stadion, 28. april

INFORMASJON TIL DELTAKARANE:

Sekretariat/spelarlister/premiar:
Ved frammøte bed me alle levere spelarlister med tydelege namn i sekretariatet!  NB! Alle må stilla til lagfotografering så snart som muleg. Dvs. kvart lag får tildelt tid når dei kjem + på plakatar.

Alle spelarane får premie som blir delt ut etter siste kamp. Det er tettpakka program og kort tid mellom kampane så me bed alle vera presise! 

Speletid:
6-åringane spelar inne i hallen, 3-er fotball 2 x 10 min. NB! Kunstgrassko. Alle frå 7 år og oppover spelar 5-er fotball, 2×12 min, ute på grasbanen. Ellers følgjer me NFFs regelverk. 

Drakter og kampball:
Vikebygd I.L. held kampballar.

Dersom laga har like drakter byttar det laget som står oppført først.  Vikebygd I.L. har nokre sett overtrekksvestar dersom nokon av laga ikkje har sjølv. Gi beskjed om dette under registreringa. 

Banar og garderobe:
Alle kampane ute blir spela på gras!
Det er garderobe i Vikebygd bygdahus (like ved), dersom nokon treng det.

Kafé og kiosk:
Det blir kafé/kiosk med sal av hamburger, pølser, brus, is, brus, chips, kaffi, kaker!

Informasjon:
NB! Kampoppsettet er gjort etter beste skjønn etter informasjonen frå laga.

Har de spørsmål kontakt: 
Rune Hetland, turneringsleiar Mob. 452 89 444. E-post: rune@lla.no

Vikebygd I.L. ønskjer spelarar, lagleiarar, foreldre og publikum
Hjarteleg velkomne til Vikeputten 2018!

PULJEOPPSETT – KAMPAR

Klikk for å sjå stort oppsett