Motbakkeløp i 2010

Jon Magne Svendsbø tok initiativ til etterfylgjarar etter Kvamsåsen Rundt: «Trodlanibba Opp» og «Første Mann til Vikestølen». Men kor er resultata blitt av?

Første mann til Vikestølen

–Nå er utfordringa: Førstemann til Vikestølen! skreiv Jon Magne Svendsbøe på nettstaden «Klubben Online» 28.10.2010, og presenterte sin eigen løyperekord: 52 min i 25 cm snø andre juledag 2010, frå Prestabryggja til Vikestølen.  Korleis er stoda i dag? Har andre klart dette raskara i snø? Truleg er tida vesentleg kortare for O-løparane i bygda på sommarsdag. 

Motbakkeløpet Trodlanibba opp

Litt tøffare tak var det nok å slå Jon Magne Svendsbøe i konkurransen han utfordra til i 2010, då vi kunne lesa på vikebygd.org:

–Dei første løparane har registrert inn tidene på «Trådlanibbå opp». Både damer og menn har kasta seg med i rekordforsøket, men det krevst likevel ei formidabel treningsøkt for å slå rekordhaldaren, Jon magne Svendsbøe som har tida 28.44.  Han utfordrar alle i bygda til å prøva å slå denne rekorden.

I ei pressemelding om å leggja ned Kvamsåsen Rundt i 2010, skreiv styret i Vikebygd Idrettslag:

–Eller kva med nytt løp ”i takt med tida”, motbakkeløpet «Trådlanibbå Opp» same dagen som «Familiens Idrettsdag»?  Frå idrettsbanen til flaggstanga på toppen langs den raudmerka ruta. 2,7 km. 480 m stigning. Vinnartid under 30 min!
Profil på traséen: 

Resultata er borte

Nettsida «Klubben Online» er for lengst lagt ned. Så resultata som var lagra der er borte. Og på vikebygd.org var det berre lenker til Klubben Oline (idrett.no).

Kvamsåsen Rundt

Men resultata frå Kvamsåsen Rundt ligg ennå tilgjengelege for dei som er interesserte. M.a. frå året 2009. 

Beste dame vart Anne Kleiven og beste mann vart Johnny Vea.  Likevel vart det aldri nokon som nådde opp mot rekordhaldaren, Urige Buta, med tida 34:50, frå Kvamsåsen Rundt-løpet i 2004.