Spennande årsmøte i Grendautvalet

Solveig Hortman, leiar i grendautvalet, kunne ønskja 25 Vikebuar velkommen til første visning av den nye promoteringsfilmen om Vikebygd. Eit proff prosjekt som har kome til etter initiativ frå Grendautvalet, og med støtte frå både bedrifter, SØK og kommunen. 

Grendautvalet kunne presentere ei rad med gode prosjekt som dei har vunne fram med. Og Vossasvingane er opna med sykkel og gangsti og med lys. Så nå kjem dei flotte busstoppane  til sin rett.

Planar som Grendautvalet vil jobba med i 2019 er m.a.:

• Arbeidsplasser
• Dommersnes industriområde
• Vegen, utbetring vidare 
• Gang og sykkelsti vidare gjennom bygda 

Status på prosjekt Grendautvalet har jobba med i 2018

• Prosjekt: Vossasvingane med g/s-sti.  Ferdig i romjula 2018. Offisiell opning i januar 2019.
• Prosjekt: Delutbetring av Vikevegen:  Pågår. Avhengig av Statens Vegvesen
• Prosjekt: Reklamefilm om Vikebygd.  Premiere på årsmøtet 14.2.2019
• Prosjekt: Lys opp Alnavegen.  Pågår. Kostbart prosjekt.
• Prosjekt: Tunkassar.  Produsert og vert sett ut våren 2019
  Ser ut som ei lita campingvogn og skal ha ei bok der folk kan skriva seg inn. Vert sett ut utanfor hus / i tun der dei som bur der gjerne vil ha folk inn på besøk til ein kopp kaffi (om dei er heime)
• Prosjekt: KUSKAP – BOKSKAP.  Produsert og vert sett ut våren 2019
  Her kan folk låna bøker og setja inn bøker dei har lese.
• Prosjekt: Fartsdumpar Plassavegen.   Ferdig.
• Prosjekt: «Vikebygd i bilde«.  Pågår.  Samlar inn bildemateriell
  Det går an å sjå desse på vikebygd.no.
• Prosjekt: Syklar.   Malt – vert sett ut våren 2019

Forslag til handlingsplan for 2015 – 2019

• Vidare arbeid med utbetring av Fv. 734 Vikevegen (delutbetringar)
• Gang- og sykkelsti frå Vossasvingbrua (Vossaplasset) til Dommersnes m/lyktestolpar
• Skoging i bygda, dugnad
• Gang- og sykkelsti m/lyktestolpar frå Bygdahuset til Kvamme
• Dommersnes Industriområde
• Fleire innbyggjarar (barnefamiliar)
• Reklamera for bygda, eventuelt reklamefilm og vidare arbeid med nettstaden: www.vikebygd.no

ØKONOMI

Grendautvalet har ei beholdning på konto ved utløpet av året på kr 121.726,52, som dei kan nytta til tiltak i bygda. Gjennom året har di delt ut midlar til ei rekkje tiltak, m..a til Vikebygd Amatørteater og produksjon av filmen.

MIDLAR FRÅ SØK  

Grendautvalet fekk kr 72.000 i 2018, men undrar seg over beløpet då det var sagt at dei skulle få 100.00 kr i året i 3 år. Dei oppfordrar dei som har gode prosjekt om å søkja om midlar til desse, og viser til kriteriene for m.a. midler frå SØK.

Det er komne inn 3 søknader til nå, frå:

•  «Musikk i Vik» festivalen

• Innkjøp av teknisk utstyr til Vikebygd Amatørteater
  (Her kan Grendautvalet yta midler til aktiviteten, men ikkje til utstyr)
• Stiftelsen Årvik skule: Oppgradering av pipe  og vedomn.

Søknadsfrist er 15. Mars 2019.

Gunn Vikingstad tok ordet og var oppteken av å få aktivitet og samarbeid om å skapa arbeidsplassar og får ein møteplass / treffpunkt med ideskaping. Ho peika på Franz Lea sin ide om Gondolbanens Venner. Forum for kreativ ideskaping.

Grendautvalet retta spørsmålet vidare til lokale bedriftseigarar, er det noko dei vil vera med på, og fekk positiv respons. Dei vil senda ut direkte email til dei som GU trur kan tenkja seg å vera med på dette. Ikkje som eit lukka forum, men som sit ope og kreativt forum.

GRENDAUTVAL-styre besto i 2018 av:

Leiar: Solveig Hortmann (2 år)

Nestleiar: Anne E. Langhelle (2 år)

Sekretær: Frode Tindeland (1 år) Går ut av styret nå.

Kassserar: Kjetil Andre Skartland (1 år) Går ut av styret nå.

Styremedlem:  Stein Andor Sundve (1 år) 

Vara: Mariann Larsen (2 år). 

Nye: Espen Årvik og Håvard Tveit vart vald inn i styret.

Solveig Hortman ga gåve og takk til dei to som gjekk ut.

Magne Vik trekte fram alt det positive som har skjedd i Vikebygd siste året. Her kan vi m.a. nemna:  
Bygdeboka, vegen (Vossaplasset), Roar Årvik si bok, teater osb.  Det kom då i gong ein god drøs der mykje bra i Vikebygd vart trekt fram, før folket kunne reisa seg og ta vegen heim.  M.a. er det viktig for utvikling av bygda at det er folk i kommunestyret som kjem herifrå. Gunnar Birkeland rosa dei to som nå har vore i Formannskapet i denne perioden (Steinar Skartland, KrF og Rune Hetland, V).  Her har ein fått til fleire gode saker som tener bygda. 

Og dei som vil følgja med i arbeidet til Grendautvalet kan lesa referat frå styremøte her.