Vi har fått ny sokneprest ! Velkommen Kristian Kyllingstad.

Søndag søndag 25.11., var det felles gudsteneste for Skjold, Vikebygd og Vats. Prost Rune Steensnæs Engedal stod for innsetting av den nye soknepresten, Kristian Kyllingstad. I same gudstenesta fekk kyrkjelydane takka John Ådnøy for tenesta som sokneprest frå 2013 til i dag.

Preika tok Hon Ådnøy seg av, mens Kristian Kyllingstad innleia nattverden som denne dagen var kombinert med bønevandring i kyrkja.

Det var mange frå alle bygdane som kom for å oververa innsettinga av den nye soknepresten.  

Prost Rune S. Engedal leia forbøna for den nye soknepresten, saman med representantar frå sokneråd og kyrkjelyd.

-Etter gudstenesta var det kyrkjekaffi før ein igjen samlast i kyrkjeskipet til helsingar, talar og gåver til ny og gammal.

Representantar frå sokneråda takka Jon for tenesta som sokneprest i Skjold, Vikebygd og Vats.

Jon leverer stafettpinnen vidare til Kristian.

Kristian Kyllingstad er berre 36 år, så Jon meinte at med dei nye pensjonsreglane så kan han sjå fram til 35 år med tenste i Skjold, Vikebygd og Vats.

Kunngjeringa av arrangementet:
Velkommen til gudsteneste i SKJOLD kyrkje søndag 25.11. kl 11:00. Kyrkjelydane i Skjold, Vikebygd og Vats takkar Jon Ådnøy for tenestetida og ynskjer ny sokneprest, Kristian Kyllingstad velkommen til å overta.
Kyrkjekaffi / samvær etter gudstenesta.
Velkommen

Jon Ådnøy under ei gudsteneste i Vats, eit av dei tre sokna han har hatt si hovudteneste i her i Vindafjord.

KM_C458-20181121131751