3 prosjekt, har fått tildelt midlar i Vikebygd

Tre prosjekt, har no fått tildelt midlar! Les her meir om desse prosjekta som er tildelt midlar frå Skånevik og Ølen kraftlag (SØK)

 Les meir om midlane her  

Tre prosjekt, har no fått tildelt midlar!
Ved Grendautvalet si tildeling av økonomiske midlar dei fekk frå Skånevik og Ølen kraftlag (SØK).  

Følgjande tre prosjekt, med fullstendig søknad, har no fått tildelt midlar:

1. Bidrag til opparbeiding av uteområdet på Årvik gamle skule
   Søkjar: Stiftelsen Årvik Skule
2. Tak  over sitteplass-grillplass på lekeplassen i Lio
   Søkjar: Lio Vel
3. Ny flaggstang på Trodlanibbå
   Søkjar: Rolf Julsrud m/fleire

Som du kanskje er kjend med har Vikebygd Grendeutval (VGU) fått ein del pengar frå Skånevik Ølen Kraftlag AS (SØK) som skal disponerast på beste måte.  

Bakgrunnen for dette er at Skånevik Ølen Kraftlag AS har inngått partnarskap med
bygde- og grendelag i konsesjonsområdet gjennom å tilføra årlege tilskot til desse
laga. Dette ansvaret tar VGU på alvor og ynskjer difor at flest mogeleg kjem med forslag
på kva pengane kan brukast til.
Midlane skal gjennom økonomisk støtte leggja til rette for god aktivitet innan:
◾ Anlegg og forsamlingshus
◾ Barne- og ungdomsarbeid inntil 16 år.
◾ Kulturarv- og sogearbeid
  
VGU har i tillegg laga eigne kriteriar som dannar grunnlag for tildeling av midlar.

Det har til no kome inn 9 forslag til prosjekt og aktivitetar, men me er alltid opne for
fleire forslag og søknadar. Sjå prosjektoversikt under.

For at Grendeutvalet skal kunne gjere ei vurdering av forslaget må det utarbeidast ein enkel søknad kor det føreligg eit budsjett som visar eit forventa støttebeløp. I tillegg bør det visast til ein tidsplan for gjennomføring, namn på søkjar (lag, foreining eller liknande) og namn på ein prosjektansvarleg/kontaktperson. 

Søknad skal sendast til Vikebygd Grendeutval på e-post: post@vikebygd.no 

Prosjektoversikt:
På nettstaden vikebygd.no kan ein følgja med på alle forslag som til ei kvar tid kjem inn til VGU. Oversikta er alltid oppdatert og viser status på kvart enkelt prosjekt.

Sjå prosjektoversikt her

Les meir her