LESA HØGT FOR ANDRE?

Kurs i Høgtlesing på Vindafjord bibliotek i Ølen 26. september kl 18:00

LESA HØGT FOR ANDRE?
Det knyter set mange gode minne og kjensler til høgtlesing. Dette er ein aktivitet som aldri «går av moten», sjølv i vår digitale tidsalder. Mange finn glede i å lesa høgt for andre og i å bli lest for. Det gjeld ikkje bare barn, men menneske i ulike aldrar og livssituasjonar.
Vindafjord bibliotek ser på høgtlesing som viktig litteraturformidling. Difor arrangerer me kurs for deg som har lyst til å bli inspirert til å lesa høgt for andre. Du treng ikkje vera profesjonell på korkje eine eller andre måten, men finn du glede i – og har lyst til – å lesa for andre, er du velkomen til kurs.

Dette er på Vindafjord bibliotek onsdag 26.09.18, kl. 18 – 20.30.
Kurshaldarar er Ingrid M. Sørvåg og Guri L. Ravatn. Her får du inspirasjon til å bli ein betre formidlar ved å koma saman med andre og læra litt om leseteknikk, val av bøker, ulike arenaer for høgtlesing mm. Og, dersom du etter kurset har lyst til å bruka tid til å lesa høgt for andre, er Frivilligsentralen ein samarbeidspart for oppdrag.

Kurset er gratis. Ta kontakt om du lurer på noko og vær velkomen!