Gunn Vikingstad sikrar fleire arbeidsplassar i bygda gjennom Vikebygd Landhandel. På nyopningsdagen tok ho sjølv plass i kassen og ekspederte kundane som strøymde på. Inne på drøsestova vart det servert kaffi og kaker til alle som var innom.

Etter at butikken vart stengd laurdag har det vore arbeida for fullt.  Gunn rosa spesielt Ola Harald, som med sin snikkererfaring stod for mykje av byggjearbeidet saman med fleire andre.  Det har vore svært travelt, måtte Gunn medgi.  Dei tømde ut alt som var i butikken for å kunna leggja nytt golv, plata og mala vegger, og få inn ny innreiing. Endå til på opningsdagen var det full aktivitet heilt fram til snora skulle klyppast.

Varaordførar Skartland skar av "snora"
som var Joker bæreposar knytt saman til
ei lang remse. 

Ved sida av døra viser oppslag om opningstider at nå blir det ope til klokka 18:00 også på laurdagane.  Bygda har mange hytter og i helgane aukar folketalet ein god del.  Det må nyttast til å ha open butikk.  Innvendig er reolar snudde slik at det både blir betre oversikt og lettare å koma seg fram med handlekorga. Drøsestova skal bestå og Gunn vonar at butikken ikkje berre skal vera ein
plass å kjøpa brød og mjølk, men også ein
sosial møtestad for folk i bygda.

I kjellaren ligg treningssenter og butikken køyrer ut varer til dei som treng det.  Så vonar vi butikken, som årleg omset for 7-8 millionar, kan bli nytta godt av folket i Vikebygd til daglegvarer dei treng.

Butikken skal pussast opp - og blir stengd nokre dagar. 

Me stengjer laurdag 22.04.17, kl. 13:00,
-og opnar "den nye butikken"
torsdag 27.04.17, kl. 12:00.

Me skal m.a. leggja nytt golvbelegg og må av den grunn pakka ned og flytte ut alt av tørrvarer. Vil du bidra til å redusera denne jobben legg du handleturen til Joker før me stengjer. Me gleder oss til jobben er gjort og me kan opna dørene igjen og visa fram ein "ny" butikk!

Helsing "Joker-damene"
 

Første måndag etter påske er etter lova første dag ein ikkje har lov til å ha på piggdekk. Snø både i lufta og på bakken gjorde nok at fleire valde å la piggdekka stå på litt lengre.

Her ser ein dei grøne bakkane midt i bygda, og kvite fjell i bakgrunnen. Kald loft i frå polare området strøymer nedover Skandinavia og gir både kjølig luft og snø fleire stader. Om natta kan temperaturen siga under 0. Men dette varer nok ikkje lenge, for Aprril er den andre vårmånaden. Dagar med finvêr eller duskregn gjorde at bøndene var i full aktivitet med utkjøring av husdyrgjødsla.