Lene, Line og Kjersti vidarefører aktivitet for born i Vikebygd, men nå annankvar fredags-ettermiddag på bedehuset, klokka 16:00 - 17:30.

Kunngjering:

TYSDAGSKVELDAR PÅ LONGÅSDALS-HYTTA

Frå kl. 18:30 og utover kvelden vil det, siste tysdag i månaden i januar, februar, mars og april, vera fyr i omnen og servering av nykokt kaffi på Longåsdalshytta.

Ta på deg hovudlykt og få ein fin kveldstur og koseleg drøs på hytta. Datoar:  31.1., 28.02, 28.03 og 25.04
VELKOMMEN !
Styret for Longåsdalshytta
 

Nytt styre har nå konstituert seg, og ser ut om følgjande:

Ein kan nå Vikebygd grendautval på e-postadresse: post@vikebygd.no

-Nå har dei fleste rydda jula ut, fortalde Aud Jorunn Tordal i LioVel då ho inviterte til bygdearrangement på leikeplassen ved Liofelta.

Liovel inviterte også i år til felles juletrebrenning for alle i bygda på lekeplassen mellom felta.  Lørdag 14. januar møttes dei kl. 14:00 på lekeplassen for ei sosial samling.
Her vart det bål av juletrea frå i fjor og folk kunne kosa seg med lappar, kake, kaffi og kakao. Ein pris på 50,- kr pr. tre eller familie dekka servering.

Det vart fyra opp i bålpanna og dei som ville kunne ta med seg pølser eller anna å grilla
 

av Steinar Skartland 5.1.2017 / oppdatert 8.1.16

Ein liten flokk hadde benka seg i eit kaldt lokale på bygdahuset torsdag 5.1. Men diskusjonane gjekk varmt og forslaga til folkeauke, tilflytting og aktivitet som Grendautvalet vil stå for, var gode og kreative. Årsmeldinga kunne syna både til mykje godt gjennomført arbeid og god økonomi i eit aktivt grendautval, som hadde sett seg gode mål for åra som kjem.

Ein evig smilande leiar viste til det dei hadde oppnådd og særskilt til at:
-Nå står lyktestolpane loddrett, men det tok over eitt år å få dei retta opp.  Heilt utruleg!

Frantz Lea og styret han har leia, har ikkje vore dei som har gitt opp om det kom motstand og det Frantz ser på som kommunal treghet som svar på dei mange innspela for å gjera bygda meir attraktiv. Likevel kunngjorde han at nå ville han gå av som leiar og slutte i grendautvalet. Han fekk både ros for arbeidet, blomar og ein varm klem av Solveig Hortman, som er nestleiar.

Nye styremedlemmer ved dette valet vart Frode Tindeland og Kjetil Andre Skartland, i tillegg til Solveig Hortman, Elisabeth Winterhus Juulsrud og Stein Andor Sundve. Grendautvalet konstituerer seg sjølv, men dei blir ikkje heilt fri for Frantz som nå går inn i valkomitèen.

Nå har kommunen sett veg med sykkel og gangsti forbi Vossaplasset på topp av prioriteringslista til Fylket og pressar på for å få oppstart alt i 2017 på prosjektet. Vossaplassbrua er på plass. Uteområdet Bryggjebakken er gjort mykje betre og grillhytte er sett opp, Informasjonsskilt ved Jokerbutikken og nettside med informasjon er på plass. Fleire andre saker står i årsmeldinga som: "Pågår".  Grendautvalet ga også ei støtte til innkjøp av projector på Bygdahuset og fortalde om ulike prosjekt dei har støtta.

Det nye Grendautvalet fekk med seg fylgjande handlingsplan for 2017-2019:

• Vossasvingane - Gang- og sykkelsti til Vikebygd sentrum
• Vidare arbeid med utbetring av Fv 734 Vikevegen (delutbetringar)
• Gang- og sykkelsti frå Vossasvingbrua til Dommersnes m/lyktestolpar
• Oppgradering og skoging rundt Plassaelva (etter avtale med grunneigar)
• Gang- og sykkelsti m/lyktestolpar frå Bygdahuset til Kvamme
• Dommarsnes Industriområde
• Fleire innbyggjarar (barnefamiliar)
• Reklamere for bygda, og vidare arbeid med nettstaden: www.vikebygd.no
• Lys i eksisterande stolpar i Lio 2
• Breiband i Nordabygda

På spørsmål om status for arbeidet med drivstoff-Tanken, så kunne Frantz orientere om at Motorbåtforeningen hadde signalisert ynskje om å få dette til, mest mtp. båtar på fjorden og medlemmer i båtlaget.   (Saksliste-Innkalling til årsmøtet)  Les årsmelding her

Les meir her frå årsmøtet og planane