Kyrkjekonsert og loppemarked

by Steinar Skartland · 7. juli 2019

Vikemusikk 2019 vart eit allsidig kulturarrangement. Laurdagen starta med musikalsk badetur ytterst i Naustvika, etterfølgd av loppemarked og kafé ved Gamlatunet. På ettermiddagen var målet kyrkja, kor det vart ein variert konsert med lokale aktørar. Ikkje alle var vikebuar i folkeregisteret, men alle hadde tilknytning til bygda. Her presenterer vi nokra av innslaga i konserten i form av bilete.

Fullt hus på kyrkjekonserten

Omlag 150 bygdefolk og feriegjester ville få med seg kyrkjekonserten i Vik kyrkje laurdag 6. juli 2019. Ein konsert med mange dyktige aktørar med lokal tilknyting.

Konserten vart opna med musikk ved Frøydis Lysne (fløyte) og Åsmund Birkeland (cello), som framførte to stykke av Bethoven.

Caroline Bjørnevik spela piano til song av Tina Larsen, to lovande unge som har delteke på fleire lokale konsertar.

Det vanka god applaus og mange rosa rapparen Belizio for hans framføring. Litt uvant musikkstil for dei eldste, men det er flott å oppleve breidda i musikkbiletet i Vikebygd. Her er mange strenger å spele på.

Jan Egil Brevik på piano i duett med Lina Fisk Eide.

Lina Fisk Eide har vi hatt glede av på mange konsertar og arrangement. Ei fantastisk stemme song fleire songar med ein ttydeleg og god bodskap som høver seg i kyrkjerommet. Denne dagen hadde om med seg Jan Egil Brevik, som deltok med både pianomisikk og song saman med Lina.

Arne Tveit (piano og keyboard), Vegard Skartland (vokal), Åsmund Birkeland (cello) og Frøydis Lysne (fløyte)

Ein sjølvsagt deltakar på kyrkjekonsert i Vikebygd er Vegard Skartland. Applausen vitna om det som også ein kunne høyra frå mange etterpå: Ei fantastisk røyst og ein dyktig songar. Denne gongen til musikk av Arne Tveit, Åsmund Birkeland og Frøydis Lysne.

Ingrid Margrethe innleia konserten med diktlesing. Tidlegare i desse kulturdagane hadde ho både stått for eventyrlesing og guide på bygdevandringa, kor det vanka mykje lokalhistorie undervegs.