Vikestølsmarsjen og friluftslivets dag 2. sept.

Friluftslivets veke er i år 1.-9. september.
Idrettslaga i Bjoa og Vikebygd fekk kombinere markeringa med Vikestølsmarsjen søndag 2. september, der over 100 deltok. Mange frå Eikås på Bjoa og andre gjekk opp bakkane frå Vikebygd.

Kaker og kaffi kunne ein kjøpa ute, medan lapskausen vart halden varm på vedomnen inne.

På Vikestølen er dette eit tradisjonsrikt arrangement med sal av lapskaus, kaker og kaffi til dei som tok turen. Og sjølvsagt var det diplom å henta når ein betalte kontingenten.

Dag Hans Nagel Alne var ein av mange som pøvde lukka med hesteskokasting

Ute var det mange som prøvde seg på å vera best i hesteskokasting. Nokre erfarne og andre til fare for dei som oppheldt seg i nærleiken, då hesteskoa fauk både hit og dit. Ikkje lett å treffa pinnen på langt hald, men nokre greidde også det.

Også dei vaksne ville prøva ridesalen på stølen. Gudvin Hetland hadde kanskje ridd på hesten før?

Andre valde å nytta fastspikra hestesko. Ein aktivitet mest retta mot borna som her kunne få prøva salen på hesteryggen. Men i slutten var det også vaksne som våga seg

Ved varden på Trollafjellet, 635 meter over havet.

opp på hestane til ein tur, godt påpassa av Anna Langhelle og Hanne Lillemo som begge har god kunnskap om hestar og riding.

Nokre få av turgåarane vlde ein annan veg heim enn dei oppgrusa skogsvegane.  Stien om Trollafjellet var fin å gå denne dagen då sola skein over fjellet.

At Australsk Shepherd hundar likar vatn, var dette eit synleg bevis på. Hunden var uti kvar ein dam og vatn han fann.