Konfirmantkulla 1967 og 1968 skal markerast

Konfirmantgruppene frå 1967 og 1968 vert inviterte til markering i kyrkja sundag 26. august.

– Neste gudsteneste her i Vikebygd er søndag 26. august kl 17:00. Då er det presentasjon av dei nye konfirmantane og samstundes skal også dei som er 50 og 51 årskonfirmantar markerast , fortel Ingrid Sørvåg som er engasjert i å tilretteleggja invitasjonane og skaffa adressane til dei som skal inviterast.  Me vonar at så mange som mogeleg av begge årskulla kan koma til denne felles markeringa nå i august. 

Ingrid kan fortelje at 23. april 1967 var det 9 konfirmantar og 26. mai 1968 var det 15 konfirmantar. Det var Meling som var prest i 1968, sannsynlegvis året før også, som truleg var fyrste året med konfirmasjon om våren. 

Konfirmantane 1968, (bilde henta frå fbsida «Vikebygd før og no»).   Fotograf: Øyjord, Etne
Bakre rad frå venstre: Ståle Jordal, Frank Robert Aadland, Kåre Kvamme, Svend Arne Svendsbøe, Kjell Helge Kvamme, Sigurd Birkeland, Per Sven Fredriksen. Midtre rekke frå venstre: Bjarne Trovåg, Jan Alne, Presten Ole Meling, Kjell Atle Barane, Rolf Bjørgen, Kjell Erik Gangstø. Fremre rekkje frå venstre: Marianne Amely Stene, Lillian Egge, Jorunn Veastad. (Namn er henta frå Vikebygd før og no).

Konfirmantane i 1967 i Vikebygd.  Bakerst: Per Ottar Skartland, Lars Arvid Skartland, Odd Svendsbøe, Torfinn Dommersnes. Framme:  Ingunn Veastad Dommersnes, Wenche Mæland, Martha Steinsland Kvamme, Reidun Alne Paulsen og Anne Berit Mæland

Om 50 og 51-års jubilantane er interesserte kan dei samlast på Gamlatunet til ei «mimrestund» før gudstenesta (det er alt sjekka ut at lokalet er ledig og kan ta i mot), etter gudstenesta vert det kyrkjekaffi.  Ingrid fortel at invitasjonsbrevet vert sendt ut denne veka og håpar at dei får dette så snart som mogleg. I invitasjonsbrevet står det noko om korleis mykje har endra seg, både med konfirmasjonsundervisning og elles.

Om nokon av jubilantane frå 1967 og 1968 har spørsmål om markeringa så kan dei kontakta

Ingrid Mathilde Sørvåg på telefon:   99037077