Førestillinga «PÅ LOKALET» kjem til Skjold Arena

Førestillinga «PÅ LOKALET» kjem til Skjold Arena laurdag 7. april kl. 19:00, i regi av Sogn og Fjordane teater. 100 billettar vert selde på www.festiviteten.no. Resten av billettane i døra.

Det er få billettar, 100 billettar blir selde via festiviteten sine sider. Dei har med eit amfi som tek ca. 140 personar og resten av billettane blir selde i døra. Skjold Arena vil ha kiosksal ifb. med førestillinga (Kortautomat og kontantar). 

Førestillinga er nå på turné i regi av Sogn og Fjordane teater. Ungdomshuset, Folkets hus, Grendahuset, Lokalet – kjært barn har mange namn. Alle som vaks opp i distrikts-Noreg i etterkrigstida har på ein eller annan måte eit forhold til dette lokalet. Her blei det arrangert dansefestar, folkemøte, basar, trimparty og danseskular. Lokalet var flittig brukt av folk frå alle samfunnslag. I sentrum stod gjerne det gode, norske uttrykket dugnad. Gjennom felles innsats blei det skapt minner for livet.

Billetter vert selde i døra ein time før førestillinga, og i tillegg via Festiviteten eller spelestaden sitt billettsal. Samhald, gryande kjærleik, avvising, den elleville fylla, den første klossete dansen, eller det famlande tungekysset bak hushjørna – alle har vi ulike bilete med oss frå lokalet i bygda vår. Nokre beherska denne sosiale arenaen til fulle, mens lokalet baud på større utfordringar for andre. Med kjensler og livsskjebne på utstilling framfor alle var huset åstad for sjelsetjande opplevingar i mange sine liv.

Utanfor lokalet gjekk verda vidare og samfunnsutviklinga si skeive gang. Vår nære fortid, landet og verda gjekk gjennom store endringar, imens dansen gjekk på lokalet. Samværet og dansen forandra seg også, verda var aldri den same igjen. “På lokalet” er ein hyllest til huset vi møttest i. Dersom veggene kunne snakke, vert det ofte sagt, men her skal vi la dansen fortelje historia. Huset såg folk komma og gå, dansa, sladra, forelska seg, skiljast, bli gamle. Livets dans blei dansa på lokalet.

Velkommen til fest på lokalet! (Skjold)

Mvh Siri Nonslid
Skjold Arena