Konfirmantane frå Vikebygd (i alfabetisk rekkefølgje):
Ada Nagel-Alne, Andrè Fotland Fostenes, Even Larsen, Ingeborg Owe, Jørgen Vik, Mari Larsen (konfirmert i Skjold), Marlin Dommersnes Einarsen, Mirjam Liodden og Renate Frøvik Svendsbøe. Ingrid Handeland frå Skjold var med i konfirmasjonsgruppa i Vikebygd.

Det vart ei flott og spesiell gudsteneste som konfirmantane frå Vikebygd fekk vera del i denne søndagen. Gudstenesta starta med at to born vart døypte. Familie, gjester og bygdefolk til konfirmantar og dåpsbarn fylte benkene til siste plass. Både galleriet og sidebenkene vart nytta denne dagen.

Fleire har reagert på at klypping av graset på kyrkjegarden i Vikebygd ikkje har vore utført slik det skal i seinare tid. Fellesrådet for kyrkjene har ansvar for drift og vedlikehald av dei kyrkjelege eigedommane, og kyrkjeverja skal syta for at dette skjer. Kyrkjene har inngått avtale med eit eksternt firma som skal utføra klypping etter ein fast plan, dvs. kvar 8. dag frå slutten av april. 

Underteikna, som også er representant for kommunen i Fellesrådet for kyrkjene, er lei meg for at dette ikkje har skjedd.  Derfor sende eg melding til kyrkjeverje og leiar i Fellesrådet om den manglande klyppinga, då eg vart gjort merksam på dette. Frå leiar i fellesrådet har eg fått tilbakemelding om at kyrkjeverja, som hadde motteke fleire klager,  tok synfaring på alle kyrkjegardane 28. mai. Dagen etter kalla han inn leiar i klyppeselskapet som lova at dette skulle ordnast opp i og at alle kyrkjegardane skulle klyppast i løpet av veka. Leiaren i klyppeselskapet hadde ikkje sjekka at dei han hadde leigd inn hadde vore på jobb.