Søk i 
Store Norske Leksikon: HER

(9.1.2012 SteinarS) Dei som spelar hos Norsk Tipping kan velja at ein del av spelebeløpet skal gå til ein organisasjon som dei vel ut og som er godkjend for dette.  Vikebygd Idrettslag er godkjend for å motta den såkalla "Grasrotandelen".  2011 vart eit rekordår der Norsk Tipping totalt kan overføre 296 millionar kroner frå spelarane til lag og organisasjonar i Noreg.  Av dette går 35.215,50 til Vikebygd Idrettslag.  Frå ordninga vart oppretta har dermed heile kr 94.596,- hamna hjå idrettslaget vårt.

Idrettslaget har 154 betalande medlemar.  På det meste har 126 aktive tipparar registrert seg slik at deira grasrotandel har kome Idrettslaget i bygda til gode.  Sjå statistikken her.   

Norsk Tipping takkar alle som har støtta lokale lag og organisasjonar på denne måten.  Lurer du på kor mykje andre lag og foreiningar har fått gjennom Grasrotandelen? 
Gå inn på www.grasrotandelen.no for å finna det ut.

Retningslinene for Grasrotandelen vert fastsett av ei forskrift frå Kultur- og kyrkjede-partementet, som du kan lese her.

Det er som kjend ein del aktive idrettsungdomar i Vikebygd som spelar fotball på IL Skjoldar.  Dette laget fekk Grasrotandel frå 146 tipparar, noko som ga dei kr 67.377 i 2011.

Grasrotmottakarane vil motta midlar over Grasrotandelen tre gonger i året, 1.januar 1.mai og 1.september. Det vert ikkje lagd føringar på kva midlane skal brukast til.  
Grasrotandelen

Interessant å lesa om bygda i eldre tid??
Få med deg sogeblada - til sals i butikken
Vindetreet:
Sogeskriftet for bygdane Imsland, Vikedal, Sandeid, Vats, Skjold og Vikebygd
Kjøp Vindetreet over Internett

Segn og Soge:
Sogeskrift for bygdene
Ølen, Ølensvåg og Bjoa
Kjøp Segn og Soge her

Send ein e-mail til meg - så skal det få ein plass på internett kalenderen.
Eller kanskje du har bilder eller litt tekst frå det som har skjedd?

    tilbakemelding@vikebygd.org

(1.1.2012 SteinarS) Ein og annan rakett gjekk av tidleg på kvelden slik at dei minste borna skulle få sjå dette også, men då klokka slo 00:00 og året 2012 tok til, var det mykje krut som gjekk til himmels. Så kan vi endå ein gong få ynskja alle:  Godt Nytt År.
Les meir her.

Bakkefyrverkeri over Skartland
 

Sjå meir på Facebook  

(31.12.2011 Roald Årvik)

Snøsløyfa blomar vanlegvis i april/mai.

Les meir om jul og klima her.

Likar du Vikebygd.org?

Forsøk på å verve nye innbyggjarar
Romjulsmesse i Ølen kulturhus
(28.12.2011 SteinarS)  Rune Hetland, leiaren i Vikebygd Grendeutval, stilte opp i kulturhuset i Ølen torsdag i romjula, for å verva nye Vikebuar. Han var ein av omlag 20 utstillarar som tok imot utfordringa frå Tomteselskapet og kommunen om å delta på romjulsmessa. 

Vindafjord Tomteselskap, VAF og kommunen ville presentera ledige tomter, arbeidsplassar og næringslivet.  Rune var her for å setja fokus på Vikebygd.   Nyleg vart det opna 19 nye tomter i Vikebygd som utviding av Lio 2.
-Vi har hatt folk innom som har vore interessert i tomter i Vikebygd, kunne Rune fortelja.

Les meir frå Romjulsmessa her.

Laurdagsklubben inviterte til
Juletrefest på bedehuset 30. desember
Omlag 60 born og vaksne var med då Laurdagsklubben inviterte til juletrefest på bedehuset i Vikebygd.  Kjersti Bjerga hadde andakten. Her fekk me høyra om Jesus som vart fødd og måtte liggja i "matfatet til dyra" (krybba), om englane som song og gjetarane som gjekk for å finna barnet.  Julesongen tona flott i møtesalen denne dagen.  Etter eit julemåltid var det tid for leiker og utlodding, før festen vart avslutta med alle i ring om juletreet og song av dei kjende julesongane.
Les her.

Grøn Jul
Ei våt julefeiring i Vikebygd
(26.12.2011 SteinarS)  Det kom litt snø og kulde i adventstida, men vêret snudde om før jul.  Både juleafta og juledagane har det vore mildvêr og regn i Vikebygd.  2. juledag viste termometeret 10 grader ute, og ein kunne undra seg på om det snart var tid for å ta fram grasklypparen og stussa plenen litt. 

Lengre nord på kysten var det stormen Dagmar som herja.  Litt merka ein nok og den i Vikebygd, men ikkje mykje.  I år vart det nok liten grunn for borna til å prøva akeutstyret sitt om dei fekk slikt til jul. Likevel var det fleire som fekk høve til det då den nye leikeplassen i Vikebygd vart opna 18. desember. 

Les meir her om jula i Vikebygd.

The Skartland family Christmas card and song, here it is.
Just click on the link.
Merry Christmas from all of us to all of you.

A Skartland Christmas | FACEBOOK
Leif Skartland Sr - Vocals, Rhodes, Piano, guitar; Leif Skartland Jr - Drums, Keys, Mixing; Danielle Devlin - Vocals; Tim Devlin - Bass;
Carla Skartland - Applauded :)

Mest imponerte aspirantane som hadde fått sine første instrument utdelt i September i år, og som stilte opp og framførte "Bjelleklang" heilt åleine.

Det er eit stort korps i Vikebygd, med musikkarar i alle aldrar.  Dei fleste har spela i mange år og er svært dyktige under leiing av Andreas Ulveraker.  Sokneprest Bjarne Hjelvik måtte saman-likna korpsmusikken med Bytunet når han skulle rosa dei.  Kyrkjelyden i den fullsette kyrkja applauderte godt for å visa at dei sette pris på korpset si deltaking og musikalske innslag. 

Arne Tveit spela kyrkjeorgel i lag med korpset på nokre musikkstykke.  Her var også andre innslag der Marie og Astrid Mortveit song duett til musikk av Arne Tveit på piano.  Helge Veastad framførte etterpå: "Mitt hjerte alltid vanker," på sologitar i samspel med kyrkjeorgelet.

Gudstenesta var ei flott innleiing til julehøgtida - der folket kunne køyra heim til lyden av klokkene som ringde jula inn klokka 17:00.  Les meir her.

Vikebygd Kyrkje
Ljosmessa 18.desember
(18.12.2011 SteinarS)  I mange år har det vore tradisjon for Vikebygd med ljosmesse i desember.  Søndagskvelden den 18. 12. tok folk igjen ut frå heimane og samlast i kyrkja.  156 deltakarar kunne Brit Nelly telja opp.  I sentrum stod speidarane og konfirmantane.  Soknepresten kom inn med eit stort ljos.  Ljoset vart delt med ei gruppe speidarar som vart sende ut med sine ljos.  Desse spreidde seg til fleire og fleire.  Så kom dei inn. Ei lang rekkje med speidarar toga så inn i den mørklagde kyrkja.  Kvar med sitt levande ljos.  Til saman gjorde dei det ljosare i kyrkja. Slik den glade bodskapen vert spreidd ut i verda.
Den fekk speidarar, konfirmantar og prest vera med og dela i kyrkja denne kvelden.  I tekstlesing, song og deltaking.

Les meir her.
 

Dugnadsånd i Vikebygd.
Opning av ny leikeplass mellom Lio 1 og 2.
(18.12.2011 SteinarS)  Søndag 18. desember kunne Lio Vel opna den nye leikeplassen i Vikebygd med program for borna og grilling for heile familien. Dugnadsarbeidet har ført til ein flott uteplass for bygda, som kan nyttast både sommar og vinter.  Lekeplassen er både ein naturtomt der terrenget har fått liggja slik det var, men også tilrettelagt med ein hellelagt område i eine hjørna.  Her er det sett opp lèvegg og ei grillgryte er på plass.  På opningsdagen sørgja Geir Rasmussen for bål i grillen og steikte pølser til dei frammøtte.  Foreldra hadde også sørgja for ei gyte med kakao. 

Til å tale på opninga hadde komitèen invitert varaordførar Steinar Skartland.    Velforeininga har fått støtte i form av 10.000 av Vikebuen, 16.000 av VAF og 3.000 av SR-Bank. Utover det flotte arbeidet Agnar Alne har gjort av entreprenørarbeid, så er alt anna gjort på dugnad.  - Vi har hatt nok fagfolk til at dette er gjort fagleg rett. Dei har fått gode prisar på materialer.  Les meir om opningsarrangementet her.

Vindafjord Kommune
Kulturstipendet til Per Øyvind Valen og Jane Espevoll.
(15.12.2011 SteinarS)  Under ein pause i kommunestyret den 13. desember vart det utdelt prisar frå kommunen til personar som hadde utmerka seg innan ulike område.  M.a. vart kulsturstipendet frå Vindafjord Kommune delt mellom to kandidatar: 

Per Øyvind Valen for hans idrettsinnsats.  I tillegg til å ha kome langt innan orientering, så går han nå 2. året på Haugaland Idrettsgymnas.  - Planane er å kunne delta på treningsleirar i inn- og utland, fortel Per Øyvind.  Kulturstipendet på 15.000 kroner vil nok vera ei hjelp her.

Stipendet var i år delt på to, og den andre halvdelen gjekk til Jane Espevoll, som driv med trening av gjetarhundar.  Ho har delteke i fleire EM og VM i tillegg til konkurransar i Noreg.  Begge er med sin innsats gode ambassadørar for Vindafjord.
  

Byggeskikksprisen gjekk til Magnar Frøyland.  Omsorgsprisen, som vart utdelt under ei tilstelning på Vindafjordtunet, gjekk i år til "Dei frivillige på Vindafjordtunet."   Vidare fekk Jan Hegerland: Næringsprisen, Elisabeth Kallevik Nesheim: Kjerringsprisen og Lars Olav Larsen: Kulturprisen.  Les meir frå prisutdelinga HER

(11.12.2011 SteinarS)  Det har vorte ein tradisjon i Noreg med julebord første del av desember.  Det er ikkje berre i julehelga at ein kan feita seg opp lengre.  På Gamlatunet er det inkje unntak.  Jakob Rødde har hatt fleire julebord kvar veke. 

Bonden med garden sin midt i bygda har synt at han kan meir enn å stella jord og dyr.  Det er berre godord å høyra om maten som vert servert i dette gamle bygget han har restaurert, noko som ga han kommunen sin byggjeskikks pris for nokre år sidan.  Her er bibliotek, kafé og selskapslokaler. - I helga har eg avløysar, men midt i veka blir det travelt, seier Jakob som både må passa på dyra i fjosen og grytene på kjøkkenet.
Les meir HER

Lynnedslag skada mobil og internett
(27.11.11/16.12.2011 SteinarS)  Eit kraftig torevêr med lynnedslag i Vikebygd natt til laurdag, sette Telenor sin mobilsendar ut av spel.  Fleire fekk skader på internett forbindelse og utstyr. Det gjekk to veker før sendar, linjer og internettutstyr var i orden igjen.
 

Breiband og mobil tilbake i Nordabygda.
(16.12.2011 SteinarS)  Endeleg er internett tilbake igjen.  I tillegg til feil på linjene og Telenor sin mobilsendar, vart modem og anna datautstyr skada då lynet slo ned.  Det var så mange skader at det tok to veker å få ordna opp i alt.  Det mest positive er at etter reparasjonen har Telenor sin mobilsendar betre signal i Nordabygda og.  Ein test-tur viste at det var signal heile vegen frå Skartland til Toredalen.  Dette området har vore så godt som utan dekning i fleire år etter at Telenor justerte sendaren for å gi signal til Årvik.  Nå får vi sjå om dette held fram. 

Landhandelen i Vikebygd
Joker butikken held fram og utvidar opningstida
(27.11.2011 SteinarS)  Etter at Vikebygd Landhandel vart avertert for sal i sommar, har mange vore urolege for at bygda skulle bli utan nærbutikk.  Fleire interessentar har vurdert å ta over butikken, men så langt vikebygd.org kjenner til har alle desse trekt seg.

Rolf Alne, tok over butikken i 1999. Han har ikkje tenkt å leggja inn årane ennå, og har konkludert med å halda fram drifta av Joker-butikken sjølv.   Les meir her

Kyrkjebladet Hyrdingen sitt julenr

Nr 6 av bladet kom i alle postkassane 8. desember, men kan også lesast på internett, her.

Som vanleg inviterte Hyrdingen alle skulane i Vindafjord til å teikne med ein julesong som tema.  Dei beste barneteikningane er denne gongen på trykk i Hyrdingen.

Du kan også sjå fleire av utgåvene her, og grafisk framstilling av kor langt innsamlinga til ny kyrkjelydspedagog-stilling er komen.

www.hyrdingen.no

VIKEBUEN arrangerte julemesse 19. november
Fekk fullt hus på julemessa
(19.11.2011 SteinarS)  Då Vikebuen opna julemessa si klokka 12 på laurdag 19. november, var det fullt hus i stor-salen.  Omlag 150 var møtt fram for å sikra seg julegåver, graut og drøs med sambygdingane.  For julemesse i Vikebygd er noko spesielt.  Her var korpset med og innleia arrangementet.  Lene Liodden hadde med seg ein jentegjeng som både kunne syngje og danse, før Vegard Skartland entra scenen og song ei rekkje songar akkompagnert av Arne Tveit på el piano.  Det var salsutstillingar både i den store salen og i grupperommet. - Det har vore mykje folk innom og dei er flinke med å kjøpa, fortalde Hanne Jorunn Helgeland.    Les meir her 

Fire damer satsa i Klokkargarden
(4.11.2011 SteinarS)  I eit lite hus ovanfor landhandelen i Vikebygd har dei innreia eit koseleg butikklokale der dei sel husflidsartiklar, brukskunst, pynt og klede. 

-Me skal ha ope på fredagar frå klokka 16:30 -  19:30 og laurdagar klokka 10:00 - 14:00 fram til jul, men elles er det berre å ta kontakt, så opnar me, fortel Hanne Jorunn. Les meir om butikken her

Tomter i Vikebygd
Graveopning på Liofeltet
(17.11.2011 SteinarS)  Torsdag 17. november deltok ordførar og varaordførar då dagleg leiar i Tomteselskapet, Leon Dyngeland, markerte "graveopning" i Liofeltet. 19 nye tomter vert klargjorde av Tveit Maskin og folk har alt meldt si interesse for å byggja. Tomtene har kort veg til butikk, skule, idrettsanlegg og barnehage. Vikebygd er ei fantastisk bygd å busetja seg i. Gode oppvekstvilkår, mange fritidsaktivitetar og du kan nytta muligheitene naturen har på sjø og i fjell.  Les artikkelen HER.  
Om tomtene i Vikebygd HER 

Tom Roger Aadland -
"En levende affære"
(7.10.2011)
-Tom Roger Aad-land fra Vikebygd hadde seks musik-ere i ryggen. Det ble en levende affære fra start til mål – og i side-sporene underveis, skreiv Haugesunds Avis sin anmeldar, Roar Eskild Jakobsen, etter å ha opplevd konserten i Festiviteten torsdag saman med 300 andre Aadland fans. Les meir her.

Konsert i Skjold Kyrkje 6.nov.
Vennskapskonsert-fullt hus
BILDE-ALBUM
(6.11.2011 SteinarS)  Med nesten fulle benkerader kunne sokneprest Martin Ivar Arnesen ynskja velkommen til over to timar med musikk av høg klasse og aktørar frå fleire av bygdene i Vindafjord.
 
LES MEIR FRÅ KONSERTEN HER.
Fotoalbum frå konserten her.

Framhald - Les meir her frå 2011.       

Arrangement / aktivitet

Lesarane kan sjølv leggja inn kunngjeringar av arrangement direkte på web sida, eller melding om nyheit, klikk her. (Red. kan endra i innlegg). PS. Denne spalta verkar best i Internet Explorer.

9 turmål i Vindafjord
-i sommarhalvåret-
Oppe i fjellet og i skog og mark er det merka turløyper og nutakassar. Vindafjord Kommune har utarbeida ei brosjyre med 9 turmål, eitt i kvar bygd. Du kan lasta ned ei brosjyre om desse HER.

Ta kontakt med:
Ola Harald Alne,  
 - tlf 928 15 380, eller
Jarle Sandsgård,
 - tlf 916 01 676.