Vikemusikk engasjerte bygda

Forrett med
King George VIII

Afrikansk musikk frå hans bakgrunn i Ghana, Vest-Afrika. Elektronisk musikk blanda med trommer, sang og bruk av filmeffektar på steinmuren bak artisten. Eit veldig bra og spesielt innslag som vart set pris på.

Hovedrett:
Tom Roger og Erik

Eit breidt reportoar på nynorsk og engelsk. Tom Roger Aadland røpte at han har ferdig eit nytt album som skal koma ut i januar 2021. Smaksprøvane derifrå i konserten lova godt for endå ein suksess. Dei nynorske tekstane hans, og dei mange Bob Dylan songane han har skreve om til nynorsk, er godt mottekne over heile landet. Til hausten skal desse nyttast i teaterframføringar i hovedstaden.

Historien om løa

I pausane mellom de musikalske rettane var det servering av suppe og drikke. Sjølvsagt måtte bonden på Aksla, Dag Hans Nagel Alne, få fortelja historia bak steinløa på Aksla, eller Alna i Vikebygd. Han har lagt ned eit stort arbeid for å renovere løa frå 1830-talet. Eit krevande arbeid som har gjort bygget om til eit hus for arrangement og konsertar, helst i den varme årstida. Målet var å få den ferdig til kona sin 50-års dag. Og det klarte han,

Her var også informasjon frå kvinnene som står i bresjen for musikkarrangementet i Vikebygd denne sommaren. Solveig nytta høvet til å reklamere for villsauskinn ho har til sals på garden og minna om at dei hadde mykje suppe for dei som var svoltne.

Desserten: Bergen Mandolinorkester

Ei gruppe med mange strengeinstrument, men berre ein mandolin. Tre av dei kom frå Lady Hardanger. Musikkstilen og songane skapte engasjement i steinløa på aksla. Med i gruppa er: Olav Christer Rossebø, Gaute M. Sortland, Ingemund Askeland, Kjetil Olai Lunde og Ingeleiv Berstad.

Jo, dei hadde ein madolin i tillegg til gitar, banjo, fiolinar, munnspel mm. Men stemninga var på topp og musikken, som vi også kjenner igjen frå Lady Hardanger sist sommar, fall i smak der oppe i løa på Aksla, då gruppa kom på scenen klokka 21. Så auka stemninga med tramping av takten og klapping, fram til siste delen då også fleire reiste seg til dans mellom benkene.

Dyktige unge musikarar

Ein av dei lokale som overraska var Robert Gausvik som spela gitar. Det mangla ikkje på applaus etter hans opptreden. Her følgde mange fleire som bidrog til god stemning og som kanskje har ei framtid innan musikken, om dei vel å satsa den vegen.

I år vart konsertane streama direkte på Facebook på Vikemusikk si side.

Arne Mikal sin debut

Ikkje alle var ungdommar. Arne Mikal Svendsbøe hadde sin debutkonsert på Plasset denne kvelden. «Å fly flate så vakker du er,» var songen til kona hans.

«Kva instrument spelar du?» var eit spørsmål han hadde fått. Han kunne fortelja at han ikkje spela vanlege instrument, men nytta ein pc og tilkopla keybord. Her kunna han velja ulike instrument og spela over, leggja til fleire instrument og song til musikken var ferdig.
-Det fine er om det er noko som ikkje er bra nok i musikken, så er det berre å retta dette opp etterpå, sa han som nok var litt nervøs på sin første opptreden, men kom vel ut av dette. Fredagen hadde han neste konsert på Gamlatunet under pub og musikkvelden.

Fillerye

Musikarane har ei tilknytting til Vikebygd, men held til i Oslo. Nå fekk bygda endå ein gong høyra musikken deira på opningskonserten torsdag.